Palestinarekin Elkartasuna plataformak manifestazio nazionala deitu larunbatean (urriak 4), Iruñean. Antolatzaileen esanetan, manifestazioak bi helburu izango ditu: palestinar erresistentziari babesa ematea eta Israelen konplize diren gobernu, alderdi eta enpresak presionatzea. Ekimena Antoniutti parketik abiatuko da 12:00etan, eta Iruñeko etorbide nagusiak zeharkatuko ditu.
Bertara joan nahi duten eskualdeko herritarrek bidaia autobusean egiteko aukera izango dute, Deba Bailarako Kontseilu Sozialistak antolatuta. Autobusa 09:30ean aterako da Debako pasealeku estalitik eta, ondoren, Mendaron (9:40ean), Eibarren (10:00etan) eta Ermuan (10:10ean) ere geratuko da. Mobilizaziora joateko txartelak Koska tabernan daude salgai, 10 euroren truke.