ELA eta LAB sindikatuek jakinarazi dutenez, Elgoibarko eta Tolosako anbulantzia medikalizatuetako langileak subrogatzeko aukera mahai gainean jarri du Administrazioak. Akordioa sinatzen badute, anbulantzien zerbitzua publifikatzeko prozesuan sortutako lan-gatazka konpondu egingo litzateke. Bi sindikatuek azpimarratu dute subrogaziorako aukera borroka sindikalari esker lortu dela. (Oharra: Barrena Komunikazio Taldearen papereko edizioa errotatibara bidali osteko informazioa da honako hau).

Barikuan itxiko dute Elgoibarko merkatu plaza, anbulatorio berria egin ahal izateko atontze-obrak hasi ahal izateko. Saltzaile bakarrak eutsi dio azkenera arte, Amaia Mendikute fruta saltzaileak.