Ekainaren 27an egingo den Zuhatza Trail ekimenaren barruan, mendi lasterketa eta martxaz gain, egun osoko kultur egitaraua ere antolatzen ari dira. Egitarau horren barruan izango da Baratxuri zopa izeneko kantaldi herrikoia, eta hori prestatzeko entsegu irekia egingo dute.

Zuhatza Trail mendi lasterketaren eta martxaren antolatzaileek ekainaren 27rako prestatu duten egun osoko egitaraua aurkeztu dute. Kirol probak izango dira ekimenaren ardatza, baina horiez gain, kultur eta aisialdi jarduera ugari antolatu dituzte, euskararen erabilera sustatzeko helburua oinarri hartuta.