Ekimen honen helburua mugikortasun iraunkorragoa sustatzea eta ingurumena gehiago errespetatzen duten desplazamendu-alternatibak balioestea da, aldi berean herritarren artean ohitura osasungarriak eta praktika egokiak sustatuz. Aurtengo edizioaren leloa "Guztiontzako mugikortasuna" da, pertsona guztientzako mugikortasun jasangarri irisgarria aldarrikatzen duena, edozein dela ere diru-sarrera maila, bizilekua, generoa edo gaitasun fisikoa.

Bizikletaren Festa herritar guztientzat zabalik egongo den eguna izango da.

• 10:30ean bizikletak konpontzeko tailerra, Kalapie Txirrindulari Elkartearen eskutik.
• 11:00etan Haurrentzako bizikleta-ginkana, Ermuko Txirrindulari Elkartearen eskutik.
• 12:30ean ibilaldi zikloturista herriko kaleetan zehar. San Pleio Plazatik abiatuko da. Norbere bizikleta eta kaskoa ekartzea derrigorrezkoa da.

2009. urteko bainu denboraldia izan zen jendetsuena Mintxetako aire libreko igerilekuetan, eta aurtengoari gutxi falta izan zaio hura ontzeko.