Bizkar zorroak hartu, makarrak kendu eta eskolarako bidea hartu dute goizean umeek. Pozik ikusi ditugu batzuk, oporraldian ikusi gabeko lagunak ikusteko gogoz, eta pauso nagiagoan egin dute beste zenbaitek eskolarako bidea. Guztira, 136 umek hasi dute ikasturtea Mendaroko eskolan. Estreinakoz, 4 urtekoak eta 5 urtekoak gela baten elkartu dituzte aurten.

Zoru pelbikoarekin lotutako disfuntzioak saihesteko eta tratatzeko ikastaroa antolatu du Mendaroko Udalak. Hamar saioko ikastaroa izango da, eta Saioa Baena fisioterapeutak emango du. Irailaren 11n zabalduko dute izena emateko epea, eta irailaren 20a izango da azken eguna.