Bernardo Atxagaren (Asteasu, 1951) Enarak eleberriaz (Pamiela) ariko dira hitzorduan. Urtain da liburuko protagonista nagusia; pintore profesional bat, "azkena". Arroagoia inguruko mendietan girotuta dago kontakizuna eta enarak ere hor daude, etengabe hegan segundoko hamar metro eginez. Bada, narrazio estilo arina eta ausarta baliatuta, eta enarak sinbolo iraunkor gisa hartuta, eleberriak intriga, umorea eta hausnarketa uztartzen ditu, artearen, nortasunaren eta denboraren joanaren inguruan.
Izen-ematea, aurrez
Debako Udalak gogorarazi duenez, Irakurketa Klubean parte hartu nahi dutenek aldez aurretik eman beharko dute izena. Interesa dutenek liburutegian bertan egin ahal izango dute izen-ematea aurrez aurre, baita telefonoz 943 19 25 60 zenbakira deituta edo ostolaza@deba.eus helbide elektronikora mezu bat bidalita ere.