Debako Udalak sare sozialen bidez ohartarazi duenez, jada ezin da Debako Gaztelekuaren Lilatoiko taldean izenik eman. Zehaztu dutenez, martxoaren 1ean jokatuko den 36. Lilatoia lasterketarako izen-ematea itxita dago. "Pena handiz, taldeko izen-ematea bertan behera gelditzen da, jada dortsal guztiak banatu direlako. Datorren urtera arte itxaron behar da", adierazi dute.
Herriko taldean izena emateko aukera itxita badago ere, itxaron-zerrenda bat zabaldu dutela jakinarazi dute. "Zalantzak argitzeko, jarri harremanetan Gaztelekuarekin", erantsi dute. Informazio gehiago nahi dutenek debakogaztelekua2@gmail.com helbidera idatzi edo 943 19 27 62 edo 665 01 45 69 telefono zenbakietara deitu dezakete.