Aurtengo emanaldiari dagokionez, hemezortzi dantzarik parte hartuko dutela jakinarazi du taldeko zuzendariak. Musikal estiloko ikuskizunari egokitutako hiru koreografia "ikusgarri" aurkeztuko dituztela esan du: "Nik sortu ditut hiru koreografiak. Lehen kantua balada bat izango da, eta liriko estiloan egingo dugu dantza; beste biak jazz estilokoak dira".
Hitzordurako sarrerak seminarixoa.eus atarian eta Seminarixoa aretoko leihatilan daude eskuragarri, 8 euroren truke. Izagak azaldu duenez, oraindik badira sarrera batzuk, "baina oso gutxi geratzen dira"; beraz, azkar ibiltzea gomendatu du.
Antolatzaileek ohartarazi dute pertsona bakoitzak gehienez sei sarrera erosi ditzakeela, eta guztiak salduz gero ez direla salgai egongo emanaldi egunean.