Zehazki, grappling gi modalitatean eta grappling borroka-moldean jokatuko da txapelketa, eta bi anaiek euskal selekzioaren koloreak defendatuko dituzte tatami gainean. Nor bere adin-tarte eta pisu mailan lehiatuko da: Oinatz (Deba, 2008) 20 urtez azpikoen mailan arituko da, 58 kiloz azpiko kategorian; eta Haitz (Deba, 2012), berriz, 15 urtez azpikoetan, 47 kiloz azpiko kategorian.
Oinatzentzat ez da Espainiako txapelketa batean parte hartzen duen lehen aldia izango. Iaz, adibidez, Albaceten emaitza nabarmenak eskuratu zituen kirolariak: zilarrezko domina bereganatu zuen grappling modalitatean eta urrezkoa, berriz, grappling gi-an. Anaia nagusiak azpimarratu duenez, aurten emaitza hori hobetzea du helburu. Haitzentzat, aldiz, esperientzia berria izango da.
"Onenen artean"
Irustatarrek adierazi dutenez, "oso ondo prestatuta" iritsiko dira norgehiagokara. Helburua ere argi dutela azpimarratu dute: "Onenen artean sailkatzea".