Apirilaren 26an, igandean, Santa Katalinara irteera eta yoga saioa familian egiteko proposamena dakar Izan Tribu egitasmoak. Antolatzaileek zehaztu dutenez, "gorputza martxan jarri eta euskaraz elkarrekin gozatzeko" helburuz prestatu dute ekimena. Hitzordua 10:00etarako jarri dute, Foruen plazan, bertatik emango baitiote hasiera txangoari. Euria eginez gero, yoga saioa Ifar kaleko Luzaro ikastetxean egingo dute, ordubete beranduago (11:00etan).
Berez, herriko familia guztiei irekita dagoen egitasmoa da, baina lehenengo saio honetan parte-hartzea HH4-HH5eko familietara mugatuko dute (gurasoek eta neba-arrebek ere parte har dezakete). Parte hartu nahi dutenek aurrez eman beharko dute izena, apirilaren 22ra arte, esteka honetan.