Gaurtik ostegunera arte, uztailaren 28tik 30era, egingo dute Udako Outleta Debako hainbat dendatan, Debalai merkatari eta ostalarien elkartearen ekimenez. Sei dira guztira ekimenarekin bat egin duten saltokiak: Mugan jantzi-denda, Estilo, Lamariano Oinetakoak, Look, Masillo eta Bohem.
Denda bakoitzean eskaintza bereziak aurkituko dituzte bezeroek, ohiko ordutegietan, eta, antolatzaileen esanetan, "prezio berezietan erosteko eta herriko merkataritzaz gozatzeko aukera aparta" izango da. Hortaz, ekimenarekin bat egiteko eta aukera aprobetxatzeko deia egin diete herritarrei.