Sarek deituta, ehunka herritarrek parte hartu dute gaur hego Euskal Herriko hondartzetan egin dituzten mobilizazioetan: Bakion, Deban, Ean, Lagan, Laidan, Lekeition, Mundakan, Muskiz-Zierbenan, Ondarrun eta Zarautzen.
Sarek azaldu duenez, mobilizizazioek helburu argia izan dute: "gaurkoa izatea mobilizatu beharreko azken aldia. Horrek erakutsiko lukeelako legedia arrunta aplikatu dela eta udan hondartzetan mobilizatu beharrik ez duen euskal gizarte bat".
Sarek jakinarazitako datuen arabera, gaur egun, "45 presok jarraitzen dute erregimen itxian, 13 iheslari daude urte luzez erbestean dirautenak eta 3 pertsona daude deportatuta". Mugimenduaren ustez, presoek "kalea zapaltzen hastea eta iheslari eta deportatuen auziari konponbidea ematea dira elkarbizitzari eta etorkizunari begira jartzeko bidea". Sareren esanetan, horixe da euskal gizartearen gehiengoak nahi duena.
Azkenik, urtarrilaren 9an Bilbon egingo duten manifestazioa iragarri eta herritarrei bertan parte hartzeko dei egin die Sarek: "Inoizko esfotzurik handiena egingo dugu Helmuga bat gurutzatu nahi dugula irudikatzeko. Euskal prreso, iheslari eta deportaturik gabeko Euskal Herri bat ezaugutu nahi dugula aldarrikatzeko, Dagoeneko gehiegi luzatu delako, urtarrilaren 9an, Euskal Herria Bilbora".