Hortik aurrera, txistulariek eta musika bandak alaitu dute giroa musikaz eta erraldoi eta buruhandiak ere atera dira kalejiran. Jarrian udal korporazioa alkate soinuarekin batera joan da kalez kale Andramari elizan sartu da. Han ezpata dantza dantzatu diete eta ostean elizkizunean, Aitzuri abesbatzak Hilaron Eslavaren Salvea kantatu du. Gauean danborrada egingo dute eta ostean, Olgetan taldearen erromeria iragarrita bazegoen ere, bertan behera gelditu da teknikarien greba dela eta.
Zapatuan, Umeen eguna
Bihar, zapatua, Umeen eguna ospatuko dute Deban eta egun guztian zehar izango dira umeentzako ekitaldiak: entzierro txikia, zezenak, puzgarriak zirku ikuskizuna, bazkaria, erraldoi txikien kalejira, dantza, erromeria eta Neomak taldearen kontzertua, besteak beste. Ikus biharko egitarau osoa agendan.