Arroa-Errementeri-Narrondo-Zumaia ibilaldia antolatu du Arbil Elkarte Sozialak ostegunerako, hilaren 22rako, eta herritarrei txangoan parte hartzeko dei egin diete. Iragarri dutenez, goiz-pasa egiteko asmoa dute eta, aurreikuspenen arabera, partaideek 2 ordu eta erdian osatuko dute hamar bat kilometroko oinezko ibilaldia.
Trenez egingo dute joan-etorria; 09:40eko trena hartu eta Arroara abiatuko dira partaideak. Antolatzaileek azaldu bezala, irteeran parte hartzeko ez da beharrezkoa aurrez izena ematea.