Debako Udalak jakinarazi du amaituta daudela jada Agirretxe kaleko asfaltatze lanak. Beraz, kalea ohiko erabilerara itzuli da.
40.000 euroko inbertsioari esker, kale osoko asfaltoa berritu dute, "galtzadak zuen narriadura konpontzeko eta bertatik igarotzen diren ibilgailuentzat zirkulazio baldintza seguruagoak eta erosoagoak eskaintzeko". Eta, azaldu dutenez, aldaketak izan dira seinaleztapen horizontalari dagokionez ere, bide-markak margotu baituzte.
Esku-hartzea osorik amaitu ondoren, lanek iraun bitartean ezarritako murrizketa guztiak bertan behera geratu dira eta, hortaz, zirkulazioa eta kalearen erabilera normaltasunera itzuli dira.
Udal Gobernuak esker oneko hitzak izan ditu lanek iraun bitartean "herritarrek erakutsitako pazientziagatik eta ulermenagatik".
Argazkiak: Debako Udala