Gaur arratsaldeko 19.00etan, behar zuena baino astebete beranduago, Udalbatzarra egingo dute zinegotziek. Aurrekontu proposamenarekin bueltaka dabil Gobernu taldea, oposizioarekin adostasunak eskuratzeko ahaleginetan.
Batetik, 2012 ikasturtean zinegotzien irabaziak %25ean murriztea bozkatuko dute. Bestetik, udaletxeko langileen soldatak bere horretan uztea eta lanpostuen balorazioaren gaineko konpromisoa ez ezartzea 2012. urtean.