Udazkeneko Mendi Emanaldi Zikloaren egitaraua ezagutzera eman du Morkaiko mendi taldeak. Aurten ere programa “zabal, interesgarri eta erakargarria” osatzen saiatu direla azaldu dute eta nobedade baten berri ere eman dute. Bilboko Mendi Film Festibal entzutetsuak eskaintzen duen Mendi Tour ekitaldia ekarriko dute estreinakoz Elgoibarrera, era horretan iaz Bilbon eskaini zituzten film interesgarrienak ikusteko aukera eskainiz.