Eibarko bonbardaketaren 80. urteurrena gogoratzeko hainbat ekitaldi antolatu dituzte Eibarren astebururako. 'Eibar 1937. 80 urte' hitzaldi dramatizatua izango da horietako bat. Coliseoan gaur; eta, Untzaga plazan, bihar, eskainiko dute. Josu Mugica elgoibartarra arduratu da ikuskizunaren koordinazio artistikoaz eta Nerea Arriola biolin jole mendaroarrak ere parte hartuko du saioan.