Elgoibarko Izarra Euskaltzaleon Topaguneak bazkide kanpaina hasi du. Bazkideak dira elkarteari tente eusten diotenak. Bazkiderik gabe ez dago elkarterik eta Elgoibarko Izarrak ere bazkideen babesa eta parte-hartzea behar ditu, Elgoibarren euskara eta euskal kultura indartzeko. Bi hilabetez, astero-astero, bazkide bat irtengo da BARRENen, galdera honi erantzuten: “Zergatik merezi du Elgoibarko Izarrako bazkide izateak?”.