Mintxeta taldeko atletak hainbat lehiaketatan lehiatu ziren aurreko asteburuan, etxetik gertu batzuek eta hurrunago beste batzuek. Eider Iglesiasek eta Martin Hernandezek aire libreko Euskadiko Txapelketa Absolutuan hartu zuten parte eta Iglesiasek brontzea irabazi zuen luzera jauzian. Nerea Sasiainek, bestalde, Espainiako selekzioarekin korritu zuen Portugalen, eta hirugarren postua lortu zuen 400 metroko proban.