Frankismoan kontzentrazio esparruetan edota kartzelan preso izandakoak omendu dituzte gaur Elgoibarren, Olasoko hilerriko Kolunbarioan. Memoria historikoaren aldeko Elgoibar1936 taldeak antolatu du omenaldi-ekitaldia, eta Udal Txistulari Bandako kideek, Mauxitxa Txarangak eta Haritz Euskal Dantzari Taldekoek parte hartu dute ekitaldian, bai eta hainbat udal ordezkarik eta dozenaka herritarrek ere.