Musikaria da, eta musikatik bizi da Elur Arrieta (Elgoibar, 1983). Gaurkoan, baina, bere musikari ibilbideaz baino gehiago abiatu berri duen proiektu berri bati buruz hitz egiteko bildu gara berarekin: ‘Músicos al poder’ bloga. Musikarientzako bloga da, baina ez du musikaz hitz egiten. ‘Mindfulness’ jarreran oinarrituta, musikariei eguneroko bizimoduan dituzten zailtasunak gainditzen laguntzeko erremintak ematea da blogaren helburu nagusia.