Mendaron apirilaren 23an egingo dituzte IAT azterketa horiek, 12:00etan, Li-Li parean. Elgoibarrera, berriz, apirilaren 25ean etorriko da Bergarako IAT tailerreko unitate mugikorra, Mintxetako aparkalekura, hain zuzen ere. Hara eraman beharko dituzte ibilgailuak, 9:00etatik aurrera. Kontuan hartu behar da unitate mugikorra bakar-bakarrik egun eta toki horretan egongo dela, eta gehiagotan ez.
Bailarako beste herrietako kasuan honakoak izango dira egunak, tokiak eta orduak: Eibarren, apirilaren 23an, 9:00etatik aurrera, Azitain poligonoko Greyhound-eko instalazioetan; Soraluzen, apirilaren 23an, Esozian, 13:30ean. Elgetara apirilaren 25ean ailegatuko da unitate mugikorra, 13:30ean, Pagatza industrialdean. Azkenik, maiatzaren 6an izango da Mutrikun, 09:00etan, Mijoa industrialdean.
Honako nekazaritzako ibilgailuek pasa behar dute IATa: zortzi urtetik 16 urtera bitarteko traktoreek (bi urtetik behin) eta 16 urtetik gorakoek (urtero).
Zalantzak argitu edota informazio gehiago eskuratzeko 943 769 753 telefono zenbakira deitu daiteke, itv.bergara@itasua.com helbidera idatzi edota www.itasua.com web orrian kontsulta egin.