Kantu homonimoarekin hasten da “Amodioz eta indarrez” albuma, eta beste zazpi kantuk osatzen dute. Hauen artean daude: “Azken Hitzak”, diskoko kolaborazio bakarra, Zentzu Okerra taldeko Ibai Murgia arrasatearrarekin egina; “Xorieri mintzo zen”, Mixel Labéguerie kantautoreak idatzitako kanta zaharraren bertsioa; eta “Borratxo en el Infreñu”, Ermuko tabernari erreferentzia egiten dion kantua. Urtarrileko single-a etxean ekoiztu bazuten, lan honetan estudiotik pasatzea erabaki zuten. Berrizen grabatu dute, bertako baserri batean dagoen estudioan, eta Lorentzo Records-en esku egon da ekoizpena.
“Amodioz eta Indarrez” diskoa grabatu zuteneko irudiak. Argazkiak: @_aiama.