Soraluzeko BertSora bertso eskolak antolatuta Gabonetako bertso jaialdia egingo da zapatu arratsaldean Herriko Antzokian. Bertan, bost bertsolari ariko dira kantuan: Amets Arzallus, Onintza Enbeita, Xabat Illarregi, Eneritz Artetxe eta Irune Basagoiti, azken hau debabarrendarra da (mallabitarra). Gai-jartzaile lanetan, berriz, Gaizka Azkarate plazentziatarrak jardungo du.
Jaialdia arratsaldeko 19:00etan hasiko da. Sarrerak aurrez jarri dituzte salgai Iratxo goxodendan baina egunean bertan ere eskuratu ahalko dira Antzokirako sarreran. Bestalde, Barrena.eus-ek bi sarrera bikoitz zozkatuko ditu HEMEN eta bihar eguerdiko 12:00ak arteko epea dago zozketan izena emateko.