2026ko Itzulia Basque Country gaur hasiko da Bilbon (14:30ean) erlojupeko etaparekin eta ohiko formatuari eutsiz, sei etapa izango ditu, apirilaren 11n, larunbatean Bergaran amaitu bitarte.
| Eguna | Etapa | Irteera | Helmuga | Km |
|---|---|---|---|---|
| Astelehena, Apirilaren 6a | 1 | Bilbo | Bilbo | 13,8 |
| Asteartea, Apirilaren 7a | 2 | Iruña | Mendukilo Kobazuloa | 164,9 |
| Asteazkena, Apirilaren 8a | 3 | Basauri | Basauri | 152,8 |
| Osteguna, Apirilaren 9a | 4 | Galdakao | Galdakao | 167,2 |
| Ostirala, Apirilaren 10a | 5 | Eibar | Eibar | 176,2 |
| Larunbata, Apirilaren 11a | 6 | Goizper-Antzuola | Bergara | 135,2 |
Aurten, lasterketa azken bi etapetan igaroko da Debabarrenetik, ostiralean etapa Eibarren hasi eta Eibarren amaitzen den egunean (Mallabitik, Ermutik, Elgoibartik, Mendarotik, Debatik, Itziartik, Mutrikutik eta Eibartik) eta larunbatean, Antzuolan hasi eta Bergaran amaitzen den egunean (Elgoibartik 15:30ean eta 16:34an eta Soraluzetik 15:38an eta 16:44an). Ikus ibilbideen gaineko xehetasun gehiago Itzuliaren webgunean.
Jarraian apirilaren 10eko ibilbidea eta ordutegia:
Domekan Itzulia Basque Challenge
Lasterketa profesionalaz gain, aurtengo edizioan ere zikloturistei zuzendutako Itzulia Basque Challenge martxa egingo da. Apirilaren 12an izango da, igandean. Bergaran hasi eta Bergaran amaituko da. Antolatzaileek azaldu dutenez, challengeak bi ibilbide eskainiko ditu: bata, World Tour ibilbidea, 133,8 km eta +3.000 m-ko maldarekin, eta bestea, Iraupen ertaineko ibilbidea, 70,2 km eta +1.650 m-ko maldarekin. izen-ematea zabalik dago, Itzuliaren webgunean.