Geroa eraikiz lelopean egingo dute Herri Urrats, eta irabaziak Donapaleun (Nafarroa Beherea) eraikitzekoa duten lizeo berriarentzat izango dira; zazpi milioi euro inguruko kostua izango duela aurreikusten dute. Xedearekin lotuta dago leloa: "Lizeo berriak geroa irudikatzen du, eta eraikiz hitzarekin argi geratzen da Herri Urrats jaietan jasotzen den sostengua zertarako erabiltzen den: ikastolak eraikitzeko".
Autobusa 09:00etan abiatuko da Debatik, paseo estalitik, eta 09:10ean jasoko du jendea Itziarko biribilgunean; 19:30ean izango dute Senperen itzulerakoa. Txartelak salgai daude jada, 10 euroan, Ieraenean eta Burugorrin.