Toledoko tren-istripu larriaren biktimak omendu nahi ditu Eudelek, Euskadiko Udalen Elkarteak, eta Elgoibarko, Ermuko, Mendaroko eta Soraluzeko udalek bat egin dute deialdi horrekin. Elkartasuna adierazi nahi die hurbileko pertsonei eta Gaztela-Mantxako herri osoari.
Herrietako udaletxeen aurrean edo gertuan egingo dituzte minutu bateko isilunean. Deitzaileek herritar guztiak gonbidatzen ditu elkarretaratzean parte hartzera.
Istripua
Bi trenek elkar jo dute 9:00ak baino apurt bat lehenago Madril eta Sevilla arteko abiadura handiko linean, Toledon (Gaztela-Mantxa). Gaztela Mantxako erkidegoak adierazi du hildakoak gutxienez 68 direla. Horrez gain, 58 pertsona daude ospitaleratuta; horietatik hamabost, larri -kopuruak aldakorrak dira, egoeraren arabera-.
Oraindik ez dakite zerk eragin duten istripua, baina esan dutenez, azken urteetan Espainian gertatu den tren istripu larriena izan da.