Esku bizikletako lasterkari barik, 16:45ean izan da gaur Antxintxikaren lehen irteera, rollerrena, edo patinatzaileena. Hor ere izan da Soraluzeko ordezkaritza, Jon Zabalaren eskutik. Haien ondoren, 17:00etan abiatu dira, berriz, korrikalariak, horiek mordoska bat, 379 lagun, eta 20 baino gehiago izan dira Soraluzekoak edo soraluzeartutakoak.
Kolorez, kirolzaletasunez, umore onez… eta noski, urduritasunez jantzi dute guztiek ere Etxaburueta kalea, eta, kerizpeak hartzen zihoan bidegorritik joan dira Bergara aldera. 30 minutu pasatxoan iritsiko zen lehena. Horren berri bihar, Goiena Komunikazio Taldearen eskutik.