Hitzarmen honen helburua da Udalak Elgoibarko Jubilatuen Biltokiari 2022an emango dion diru-laguntza formalizatzea, bere jarduerak gauzatzeko, hala nola: memoria-tailerrak, prebentzio- eta kultura-hitzaldiak, Zine Foruma, teknologia berriak erabiltzeko tailerrak, txangoak, nagusien asteko programazioa edo areto-jokoak, dantza-eskola eta dantza-saioak, eta abar.
Udalak 7038 euroko diru-laguntza emango dio Biltokiari 2022. urtean aipatutako jarduerak egiteko. Zehaztu dutenez, diru-laguntza bi epetan ordainduko dute: lehenengo zatia (% 90) hitzarmena sinatu eta hilabeteko epean ordainduko du Udalak, eta bigarren zatia (% 10) hilabeteko epean, jasotako diru-laguntza justifikatzeko agiri guztiak aurkezten direnetik zenbatzen hasita.