Euskal Nekazarien Batasunak (ENBA) hitzaldi informatiboa antolatu du otsailaren 22rako, Elgoibarko Kultur Etxean, 11:00etan hasita.
2022ko martxoan hasiko da PAC-NPB eskabideak aurkezteko sasoia, eta aurtengoa izango da 2014-2020 aldiko azken urtea. Izan ere, 2023. urtetik 2027ra bitartean Nekazaritza Politika Bateratu berria izango da indarrean, Europako Parmamentuak joan den azaroan onartu zuena.
ENBAk, Europako Batasunaren nekazaritza-politika berriaren nondik norakoak azaltzea baserritarrentzat interesgarria izan daitekela-eta, hitzaldi-sorta antolatu du, Gipuzkoako zazpi eskualdetan. Debabarrena eskualdekoa Elgoibarren egingo dute. Hitzaldian parte hartu nahi dutenek izena eman behar dute gipuzkoa@enba.eus helbide elektronikora idatzita edo 943 650 123 telefono zenbakira deituta.
