Bi helburu zehaztu dituzte. Batetik, etxetik irteteko zailtasunak dituzten adinekoei eta mendekoei janaria eta botikak, bereziki gaixo kronikoei, etxeraino eramatea, eta bestetik, adinekoei edo bakardade egoeran nahiz isolamendu-egoeran daudenei, mendekotasuna edo desgaitasunen bat dutenei.... telefono bidezko jarraipena egitea. Iturri ofizialak zabaltzen ari diren prebentziozko neurrien berri emango diete, bai eta herritarrek behar-beharrezko duten informazioa helarazi ere. Udaletik jakinarazi dute laguntza behar duen auzotarren bat ezagutzen duen edozein herritarrek eska dezakeela zerbitzua. Horretarako, telefono-zenbaki bat eta e-posta bat jarri dituzte herritarren eskura: 943 033282 eta erregistroa@mendaro.eus