Elgoibarko Udalak bakean eta bizikidetzan sakontzeko antolatu ditu jardunaldiak. Gaur beste saio bat izango da, Clint Eastwood-ek zuzendutako Invictus filmaren emanaldia, hain justu ere. Elgoibarko Herriko Antzokian eskainiko dute, 21:30etik aurrera. Clint Eastwoodek 2009an zuzendu zuen film hau benetako gertakizunetan oinarrituta dago, Hegoafrikan 1995. urtean jokatu zen Munduko Errugbi Kopan, apartheid garaiak amaitu berri-berriak zirenean, Nelson Mandelak izandako papera kontatzen da.
Jardunaldiak otsailaren 3an amaituko dira, Sabino Ormazabal indarkeria-ez aktiboaren bultzatzailearen Memoria partekatu baterantz hitzaldiarekin. Errenteriako esperientziaren berri emango du. Kultur Etxean izango da, 19:00etan.
