Aurpegi berriak Haundin

 Honako hauek dira CD Elgoibarko talde nagusira batu diren zazpi jokalariak: Gernika taldetik etxera itzuli den Andoni Gabilondo elgoibartarra, aurrez CD Elgoibarren jokatu izan duen Gaizka Melendez, Eibar B taldetik etorri diren Gayoso eta Del Olmo, Aurrera de Ondarroatik datorren Jon Burgoa eta beheko taldetik igo diren Jorge Martinez eta Unai Cabo. Dena dela, jokalari gehiago etor daitezke datozen asteetan, Haundiko entrenatzaileek hogeita bat edo hogeita bi jokalariko taldea osatu nahi dute-eta Hirugarren Mailari aurre egiteko.
Iaztik hona jarraitzen duten jokalariak, berriz, honakoak dira: Jorge Lope, Aitzol, Eneko Ormaetxea, Erik Polanco, Egoitz Zulaika, Aitor Bengoetxea, Kepa Osoro, Julen Landa, Imanol Rodriguez, Asier Larrea eta Barredo.

•Bergara eta Agiretxe entrenatzaile, Mintxetan

CD Elgoibarrek 2002, 2003 eta 2004 urteetan jaiotako umeentzako saio berezia antolatu zuen joan zen zapatuan, Mntxetan. Markel Bergara eta Imanol Agirretxe Realeko jokalariekin batera, CD Elgoibarko Asier Larrea eta Andoni Gabilondo aritu ziren entrenatzaile lanetan. 50 bat umek hartu zuten parte entrenamendu saioetan eta adi-adi jarraitu zituzten entrenatzaile ezagunen agindu eta aholkuak.

 

Argazkiak: Aitor Zabala.