Jasone Osorok bere haurdunaldiko testigantza jaso du ‘Bi marra arrosa’n

elgoibarren.net 2009ko azaroaren 25a
Deskargatu Info Ahotsak :
Español English Français Català Galego

 
Amatasuna bizitza aldatzen duen esperientzia berdingabea da. Jasone Osorok, bere bizipenen bidez, ama guztiek bizi duten emozio-eztanda bildu du bere lehen haurdunaldiaren kronikatik abiatu duen kontakizunean. “Bi marra arrosa” (Txalaparta) liburua da emaitza.

 


1706640013895 Jasone Osorok bere haurdunaldiko testigantza jaso du ‘Bi marra arrosa’n

 “Nire lehenengo haurdunaldiari buruzko testigantza bat da. Inork ez dezala pentsatu haurdunaldiari buruzko liburu entziklopedikoa edo medikuntza ikuspuntutik idatzitako liburua denik! Oso pertsonala da. Haurdun zaudela jakiten duzunean –prediktorrean bi marra arrosa azaltzen diren momentuan hasten da liburua- sortzen diren kezkak, beldurrak, pozak eta galderak jaso ditut. Bederatzi hilabeteko diario modukoa da” azaldu du idazle eta kazetari elgoibartarrak.
 Haurdun geratu zenean bere kezka eta zalantzak argituko zituen liburuen bila hasi zen, eta euskaraz ezer gutxi zegoela idatzita konturatu zen. Hutsune hori betetzeko asmoz idatzi du “Bi marra arrosa” liburua.

•Libururik zailena eta errazena
 Libururik zailena eta aldi berean errazena izan dela aitortu du Osorok. “Erraza izan da nire bizipenak direlako, eta ez neukalako ezer sortu beharrik. Baina aldi berean zaila, nire bizitza delako; nirea eta nire bikotekidearena. Noraino kontatu?”. Azkenean, “gehiena” kontatu du.

•Poza eta beldurra

1706640013931 Jasone Osorok bere haurdunaldiko testigantza jaso du ‘Bi marra arrosa’n

Haurdun zegoela jakin zuenean lehenengo poza eta gero, “hotzean pentsatzen duzunean”, beldurrak eta kezkak direla nagusi dio elgoibartarrak. “Ezjakintasunak alde batetik ilusioa ematen du, baina beste alde batetik, kezka. Eta, ez daukazu sortzen diren galdera guztietarako erantzunik. Bat-batean, zu izango zara beste pertsona baten erantzulea eta horrek bertigoa ematen du. Peter Pan sindromea ahaztu, eta heldu bihurtu behar duzula konturatzen zara”.
 Ama izatea gauzarik onenetarikoa dela berresten du idazleak. “Gogorra ere bada, baina ume batek ematen duena, ez du beste ezerk ematen”. Gainera, bere ustez, umeak hazten eta ikasten ari diren heinean, mundua deskubritzen dute “eta zuk eurekin batera deskubritzen dituzu berriz, gauza txiki pila bat. Eta, azken batean, detaile txikiek ematen dute zoriontasuna”.

1706640013969 Jasone Osorok bere haurdunaldiko testigantza jaso du ‘Bi marra arrosa’n


  • Izenburua: ‘Bi marra arrosa’ 
  • Idazlea: Jasone Osoro.
  • Argitaletxea: Txalaparta.
  • Bilduma: Amaiur
  • Generoa: Testigantza
  • Orrialde kopurua: 120.
  • Salneurria: 15 €. 

∞Lotura duten albisteak:
 
 
 
 
 

Kultura Elgoibar