Gaur arratsaldean 17:00etatik 20:00etara egongo da azoka. Zapatuan, berriz, 10:00etatik 13:00etara eta 17:00etatik 20:00etara. Stock kale azokan egindako erosketa bakoitzeko, bezeroak txartel bat jasoko du eta zozketan parte hartu ahal izango du. 400 euro banatuko dituzte saritan guztira (100 euroko lau erosketa-bono). Astelehenean emango dute zozketako emaitzaren berri.
Txankakuakoek azokan parte hartzera animatu dituzte herritarrak. "Eman buelta bat eta ea gustoko zerbait aurkitzen duzuen. Prezio ezin hobeak aurkituko dituzue eta esku-eskura, kalean. Ez galdu aukera".