Mendi irteera, Intxortara

Morkaiko mendizale elkarteak Intxortara irteera antolatu du urtarrilaren 25erako, herriko ikastetxeekin batera. 

Herri Eskolako eta Elgoibar Ikastolako familiak Elgeta aldera joango dira oraingoan, eta Intxorta mendia igoko dute. San Asensio gaineko aparkalekutik hasiko dute ibilaldia, eta tontorra egin ondoren, leku berera itzuliko dira. Sei kilometroko ibilbidea egingo dute, 350 metroko desnibel positiboarekin. 

36ko Gerrak eragina izan zuen Intxortan, eta gudako lubakiak ikusteko aukera izango dute ibilbidean zehar. 

9:30ean bilduko dira Mintxetan, eta eguerdirako itzuliko dira etxera.