Parte hartu duen bost aldietan lortu du garaipena Mujikak, iaz azkena. Aurtengoan 14 minutu eta 8 segundoan jaitsi zen Kalamuako tontorretik Barinaga auzoko pilotalekura arte, Markina-Xemeingo Barinaga auzoko San Anton jaien barruan antolatzen baitute mendi lasterketa berezia, goitik behera egiten den lasterketa bakarrenetarikoa. Jone Albisua zarauztarra sailkatu zen bigarren postuan (00:15,58) eta Ane Uriondo gizaburuagarrarentzat izan zen hirugarren postua (00:16,38).
Gizonezkoetan, Pello Gerrikaetxebarria izan zen azkarrena. Zornotzako lasterkariak 11 minutu eta 2 segundoan osatu zuen jaitsiera. Iskander Agirrebeitia zaldibartarrarentzat izan zen bigarren postua (00:11:59) eta Josu Bereziartua etxebarritarrak eskuratu zuen hirugarren postua (00:12:03). CATT Morkaikoko kide Juanan Martin elgoibartarra zazpigarren postuan sailkatu zen (beheko irudian).
Jatorri askotariko 32 mendi lasterkarik hartu zuten parte proban. Erorikoak ere ugari izan ziren Lea-Artibai eta Mutrikuko Hitzakoek igo ditzuten irudietan ikus daitekeen moduan.
Juanan Martin jaitsierako azken zatian. Arg: Hitza.