Familia horiek okupa biolentotzat karakterizatu nahi badituzte ere, errealitatea bestelakoa da: indarkeria jasan duten emakumeak, jabeen aldetik irregulartasuna edo iruzurra jasan duten familiak –babes ofizialeko etxeen legez kanpoko kontraturik gabeko alokairua, esaterako–… Alegia, langile klaseko kolektibo zaurgarrienak dira.
Faxistek, berriz, intimidazioaren eta biolentziaren lengoaia darabilte eta eskuin muturreko ideologia hedatzen eta gorpuzten dute. Kalean zein sareetan diskurtso arrazistak, matxistak, supremazistak, gerrazaleak eta klasistak zabaltzen dituzte.
Justiziaren izenean ekiten duten heroi moduan ari ote dira sartzen gure imajinarioan? Bizi dugun oldarraldiaren aurrean, Euskal Herriko Etxebizitza Sindikatu Sozialistak alerta antifaxista aktibatu du. Faxismoaren hedapenak muga bat dauka. Eta Barakaldon mugimendu sozialistako militanteek faxistei aurre egitean erakutsi moduan, langile mugimendu antolatu baterantz urratsak egitea funtsezkoa zaigu, mugimendu indartsu batekin topo egiten duen faxismoak nekez egingo baitu aurrera!