Udalak istripua gertatu zenean eskatu zuen baranda berria, baina neurrira egin beharreko lana zenez, ez dute jaso aste honetara arte. Baranda jartzeko lanak astebetean amaitzea aurreikusten dute, betiere eguraldiak lanak atzeratzen ez baditu. Udalak hartu du bere gain berritze lanen kostua, eta gero, aseguruetxeekin jarriko dira harremanetan, dagokionari bere ordaina eskatzeko. "Ez da gauza bera hiri-altzariak istripuz edo nahita hondatzea. Aseguru-etxeak daude istripuen aurrean erantzuteko", azaldu dute udal arduradunek.
