Elgoibarko Kultur Etxe aurrean hasiko dute triki-poteoa, 19:00etan, eta afaria, Kultur Kafean egingo dute, 21:00etan. Interesatuek 12 euro ordaindu beharko dituzte. Pitxintxun edo Kultur Kafean eman daiteke izena, martxoaren 3rako. Honako galdetegia beteta ere eman daiteke izena.
Ordainketa Bizum bidez egin behar da, 697 334 161 zenbakian.
Karakatera irteera
Martxoaren 8an, bestalde, Karakatera joateko plana egin dute. Mekan batuko dira, 09:00etan, eta eguerdian (13:00), Kalegoen plazan egingo den elkarretaratzean hartuko dute parte.
Emakume* Feministen Asanblada 2024an sortu zuten, feminismoan aritzen diren emakumeen* artean, eta ateak zabalik dituzte feminismoan aritu nahi duen ororentzat.