Inguruko natura ezagutzera emateko ahaleginean, laugarren urtez batu dituzte indarrak Morkaiko Mendizale Elkarteak, Elgoibarko Izarraren Atxutxiamaika aisialdi sailak eta Elgoibarko Baso Biziak elkarteak. Aste honetan aurkeztu dute Elgoibarko Udalaren babesarekin prestatu duten ekitaldi sorta: zazpi jarduera antolatuko dituzte martxotik azarora bitartean egiteko. Martxoaren 26rako iragarri dute aurrenekoa, basografiari buruzko hitzaldia.
Antolatzaileek ohartarazi dute gerturatu ahala emango dutela Gure Natura Ezagutzen ekimeneko jardueren berri.
Honatx programa iragartzeko prestatu duten kartela:
