Infantil kategoriako Euskadiko eta Gipuzkoako selekzioak aritu ziren elkarren aurka, neskenak eta mutilenak. Eta, Sanlo taldeko jokalariek ere hartu zuten parte, hain zuzen nesken arteko norgehiagokan. Euskadiko selekzioarekin aritu zen Sare Orbea eta Gipuzkoarekin Naia Eizagirre eta Itxaso Garaizabal. Naroa Cebrian ere bazegoen Xabier Vicioso Gipuzkoako hautatzailearen deialdian, baina ezin izan zuen partida jokatu. Euskadiko taldeak lortu zuen garaipena, 23-25eko emaitzarekin.
Sanloko jokalari gehiago ere deitu dituzte Gipuzkoako selekziooak datozen egunetan egingo dituen teknifikazio saioetan parte hartzeko. Batetik, jubenil mailako nesken Gipuzkoako selekzioak Sanloko bi jokalari deitu ditu Arrasaten, apirilaren 26an, egingo duten teknifikazio saiorako. Ane Alberdi eta Elene Fernandez dira Ioritz Soraluce entrenatzaileak deialdian sartu dituen jokalari elgoibartarrak.
Era berean, kadete mailako selekzioarekin jokatzeko deitu dituzte Sanloko Amets Aramendi eta Maria Amaro. Horiek Errenteriako Galtzaraborda kiroldegian egingo dute teknifikazioa, apirilaren 26an.
