Telmo Lazkano aditua gonbidatu dute, eta hark emango ditu telefonoa etxean modu egokian erabiltzeko tresnak eta estrategiak. LH4 eta DBH1 arteko seme-alabak dituzten familientzako saioa prestatu dute. Antolatzaileek esan dute kafea eta pastak jarriko dituztela eta giro atseginean egingo dutela berbaldia.
Saioaren helburua da ideiak partekatzea eta zalantzak argitzea. 17:30ean izango da, Aita Agirre kulturguneko areto nagusian.