Uztailean aire librean gozatzeko moduko kultur ekitaldiekin osatu dute 'Udara Kulturaz Blai' egitasmoa. Hona bakoitzaren inguruko xehetasunak:
Welcome & Sorry kale antzerkia, uztailaren 2an
Ganso & Cia konpainiako antzezleek William Shakespeare idazlearen Hamlet obra famatuaren egokitzapen bat antzeztuko dute Elgoibarren, keinu bidezko clown-komediaren bidez. Taldekoen berbetan, klasiko handien parodiatik eta haien inguruko estereotipoetatik antzerki-lanbidea erakusten duen kale antzerkia da Welcome & Sorry. Publiko guztientzat modukoa dela zehaztu dute. Kalegoen plazan antzeztuko dute uztailaren 2an, 19:30ean. Euria egingo balu Maalako parkean antzeztuko dute.
Lumina Zirkua, uztailaren 15ean
Kolorez, argiz eta magiaz beteriko ikuskizuna emango du Lumina Zirkuak uztailaren 15ean, Kalegoen plazan (22:30).
Aire libreko zinea
Aire zabaleko zine emanaldiei dagokionez, lau film programatu dituzte aurtengo sasoirako, horietako bi euskaraz. Saio guztiak hasiko dira 22:30ean, Kalegoen plazan.
- Uztailak 3, ostirala: "Presidentearen tarta" (+ 12 urte 105 minutu)
- Uztailak 4, larunbata: "Buffalo Kids" (euskarazko bertsioan, publiko guztiarentzat, 81 min.)
- Uztailak 17, ostirala: "Futbolisimos 2. Piraten altxorraren misterioa", (publiko guztientzat, 95 min.)
- Uztailak 18, larunbata: "Mary Anning eta dinosauroen hondartza" (+ 7 urte, euskaraz, 72 min.)
