Gipuzkoako odol emaileen zerbitzua bihar iritsiko da Elgoibarrera, arratsaldez. Ohi bezala, 16:30etik 20:30era bitartean egingo dituzte ateratzeak, Jubilatuen Biltokian.
Odol Emaileen Elkarteak dei egin die herritarrei odola ematera joan daitezen; gazteei, bereziki.
Izan ere, ohartarazi dute odola ematea bizitza ematea dela, eta garrantzitsua dela bankuak betetzea, odol falta handia dagoelako.
Interesa dutenek txanda hartu beharko dute aurrez, gotatanta.eus webgunean edo 623 32 84 08 telefono-zenbakian, deituta edo Whatsapp bidez mezua bidalita.