Solasaldia: 'Erritu bat herrituz'

Elgoibarko gazteak neguko erritu baten inguruan antolatu eta komunitate euskaldun bat ehuntzeko solasaldia antolatu du Elgoibar (H)Errituz taldeak. Aritz Ibañez Luzarreta (Iruñea, 1979) eta Oier Araolaza Arrieta (Elgoibar, 1972) izango dira hizlariak. Dantzaria eta kazetaria da Lusarreta. Hainbat hedabidetan lan egin eta kolaboratu izan du –EITB, Dantzan.eus, Berria, Euskalerria irratia, Gara, Entzun...–, eta azken urteotan Euskokultur Fundazioarentzat Ondare Immaterialaren alorrean lanean ari da. Araolaza, berriz, euskal dantzari, antropologo, kazetari eta idazlea da. Doktorea da Euskal Herriko Unibertsitatean, eta Genero-identitatea euskal dantza tradizionalaren eraikuntzan tesia osatu zuen 2020an. Tradizioen bilakaera eta gizarte aldaketak herritarrei hurbiltzeko dibulgazioan ere badihardu. Azaroaren 4an izango da solasaldia, Kultur Etxeko hitzaldi gelan, 18:30ean hasita.