Arduradunek adierazi dute esku-hartzeari esker, espazio "seguruagoa eta irisgarriagoa" dela orain. Izan ere, trafiko handiko gunea da hori, industriagune eta enpresa handiak kokatzen dira inguru horretan eta, A8 autobiderako sarbidea ere bertan dagonez, eguneko ordu jakin batzuetan auto ugari pilatzen dira.
Segurtasun handiagoa
Autobus geltoki berriak egiteko lanak irailean hasi zituzten, eta 212.746,41 euroko aurrekontua izan du. Geltokiak egokitzeaz gain, oinezkoentzako bidegurutzea ere jarri dute, semaforoekin. Horri esker, autobuseko erabiltzaileek errepidea segurtasunez zeharkatu ahal izango dutela adierazi dute Aldunditik.