Espainiako Auzitegi Gorenak, VOX alderdiak eskatuta, EAEko udal legearen zenbait artikulu indargabetu ditu, hain zuzen ere, udalei euskararen normalizaziorako neurriak hartzeko aukera emango zietenak. Euskalgintzaren Kontseiluak, Udalerri euskaldunen Mankomunitateak (UEMA) eta Eusko Jaurlaritzak berak azaldu dutenez, sententzia hori euskararen normalizazioaren kontrako neurria da.
"Eraso honen aurrean, Euskal Birusaren talde eragilean pentsatzen dugu neurri baztertzaile horrekin bat ez gatozen herritarrok gure desadostasuna azaldu behar dugula, eta horretarako 30 minutuko elkarretaratzea deitu dugu, ostiral honetarako, uztailak 18, 19:00etan plazan", azaldu dute elkarteko zuzendaritzako kideek. Bertara batu nahi diren herritarrek bat egingo dute "EUSKARAK JUSTIZIA ETA BABES LEGALA BEHAR DITU" leloarekin.
Elkarretaratzea bukatutakoan, Santixauetako TXIKURIXAren inaugurazioa egingo da, 19:30ean.