GKE bat da Alboan eta beraien lan-ildo nagusia gizarte- eta ingurugiro-justizia eta baita genero parekotasuna sustatzen duten herritarrak piztea da. Aurten egoera lazgarrian dauden emakumeengan jarri dute begirada, muturreko pobrezian dauden 10 pertsonatik 7 emakumeak direla erreparatuta: andreek eta neskek pairatzen dituzte gehien bat baliabide ezaren, gatazka armatuen edota klima-aldaketaren ondorioak. Haien eskubideak defendatzeko eta indarkeria barik bizi daitezen bermatzeko lan egiten dihardute Alboaneko langile eta kolaboratzaileek, eta gizarteari mezu argi bat nahi izan diote helarazi “Haiekin/Con ellas” telebista bidezko iragarkiaren bidez. Bertan azaltzen dira esan bezala Txaro Hernández, Cruz Noguera bikotekidea eta beraien Uxue eta Dariana alabak.
Bilbon bizi den Txaro Hernandez ermuarrak Gobernuz Kanpoko Alboan erakundeko azken iragarkian hartu du parte familian, bikote eta alabekin batera, beraien irudiak eskainiz Gabonetan telebista bidez zabaldu den publizitate spot baterako.